Þú átt eitt líf.. Veldu Fitlíf

Um okkur

Aníta Rós Aradóttir

 

Menntun 

Stúdent af íþróttabraut

B.s. Íþrótta- og heilsufræðingur

Triggerpunktanámskeið 1. Og 2.

Bootcamp þjálfararéttindi

Reynsla

Bikarmeistari í módelfitness 2016 og Overall sigurvegari 2016

Íslandsmeistari í módelfitness 2017 og Overall sigurvegari 2017

Ásamt fleiri verðlaunasætum í fitness

Fitnesskeppnir erlendis, þ.e. Norðurlandamót, Evrópumót og Heimsmeistaramót

Fyrrum þrekmótakeppandi

Fjarþjálfari frá árinu 2013

Einkaþjálfari í worldclass Frá árinu 2016

Hver er Aníta?
Ég er fædd og uppalin í Hveragerði, hef verið í íþróttum frá blautu barnsbeini  þ.e. fimleikum, körfubolta og fótbolta. Ég hafði alltaf verið áhugasöm um hreyfingu og heilsu og fundist vel ræktaðir líkamar vera heillandi. Þegar ég byrjaði í framhalsskóla hætti ég í fótbolta og byrjaði að borða skyndibita, ég fitnaði hratt og örugglega um 15-20kg á stuttum tíma og hafði ekkert þrek né sjálfstraust. Mér leið illa svona og ákvað því að taka málin í eigin hendur. Ég byrja í ræktinni á Selfossi og fór að hugsa um mataræðið. Smátt og smátt náði ég af mér aukakílóunum, jók þrek og styrk og upplifði þá dásamlegu tilfinningu að sigra sjálfan mig. Ég fann hvað sjálfstraustið jókst og mér leið vel í eigin skinni. Margir fóru að leita ráða hjá mér, þó ég vissi í raun ekki neitt en kveiknaði þá sá áhugi hjá mér og vita allt og hreyfingu, mataræði og hvernig skyldi efla heilsu og líkama. Ég byrjaði í bootcamp og skráði mig á íþróttabraut í FSU.  Að stúdentsprófi loknu var ég var ég aðeins byrjuð að lyfta og fannst magnað að sjá hvað ég gæti mótað líkma minn eins og leir, og út frá því fékk ég áhuga á fitness og skráði mig í keppnisþjálfun. Ég keppti á fyrsta mótinu mínu 2012 og hafnaði í 4.sæti, síðan þá hef ég keppt mörgum sinnum og finnst fitnessið alltaf jafn frábærlega skemmtilegt og lærdómsríkt. Elska það að challenga og sigra sjálfan mig!

2013 Flutti ég á Laugarvatn þar sem ég hóf nám í Íþrótta- og heilsufræði hjá Háskóla Íslands. Þar lagði ég áherslu á þjálfaralínu og á meðan á náminu stóð kynnist ég Elmari mínum og við fáum þá hugmynd að byrja með fjarþjálfun sem við höfum verið að þróa síðan þá. 2015 Útsrkrifaðist ég með B.s. gráðu í Íþrótta- og heilsufræði. Ég starfaði eina önn á Leikskólanum á Laugarvatni sem íþróttakennari og fluttist svo á Selfoss með Elmari þegar ný og glæsileg Worldclass stöð opnaði þar í janúar 2016.


Markmið mitt með mínu starfi er að kenna fólki að tileinka sér heilbrigðan g hamingjusaman lífstíl með þeirri von um að fólk fái að upplifa þá dásmlegu tilfinningu sem ég fékk að upplifa þegar ég breytti mínum eigin lífstíl.

Elmar Eysteinsson

 

Menntun

 Stúdent af félagsfræðibraut á sálfræðistigi

B.s. Íþrótta- og heilsufræðingur

Reynsla

Íslandsmeistari í fitness karla 2016

Ásamt fleiri verðlaunasætum í fitness

Fjarþjálfari frá árinu 2013

Einkaþjálfari í worldclass Frá árinu 2016

Hver er Elmar?
Ég er fæddur á Sauðárkrók, uppalinn þar og á
Hólum í Hjaltadal. Foreldrar mínir búa á sveitabæ í Skagafirði og þangað er alltaf gott að fara og eyða tíma með fjölskyldunni, fara í reiðtúr og góða slökun. Ég fór í Fjölbrautaskóla Norðurlands Vestra og þar kveiknaði áhugi minn á líkamsrækt. Við félagarnir byrjuðum að lyfta með biblíuna hans Arnolds Schwarzenegger við hendina. Fljótlega v

orum við farnir að æfa 2-3 tíma á dag, borðandi hrá egg og súrt skyr. Að stúdentsprófi loknu 

fluttist ég til Reykjavíkur en fýlaði ekki borgarmenninguna og flutti á Laugarvatn þar sem ég hóf nám hjá Háskóla Íslands í íþrótta- og

heilsufræði, þar lagði ég áherslu á þjálfaralínu og líkaði vel. Á þriðja árinu mínu kynntist ég nýnemanum  Anítu og við byrjuðum saman fljótlega eftir það. Við hófum fjarþjálfun Elmars og Anítu 2013 og fundum þá að þjálfun var eitthvað sem okkur þótti frábært. 2013 útskrifaðist ég úr skólanum með B.s. gráðu í Íþrótta- og heilsufræði og var B.s. lokaverkefnið mitt Handbók í lyftingum sem fékk góðar móttökur. Á meðan Aníta kláraði námið sitt hóf ég störf í íþróttahúsinu á Laugarvatni ásamt því að einkaþjálfa og fjarþjálfa. Það var frábær tími á Laugarvatni.
Við Aníta fluttum á Selfoss þegar nýja World class stöðin opnaði í janúar 2016 og þangað til enn í dag.

Markmið mitt með þjálfun er að gera lífstílsbreytingu hjá fólki og kenna því að lifa heilbrigðu lífi og ná árangri á markvissan og góðan hátt.